El Cantón Estremeñu

Es corrienti’l pensal que la muestra luenga namás es aparenti pa gastá-la n’ambientis roalis o inhormalis. Sin embargu, comu tolas otras uropeas, l’idioma castúa cuenta con una güena ristri de palabras p’anombrá’l mundu más pallá delo tocanti ala labrança i la pastoría.

Velaquí dimus a brindal angunas delas más prencipalis cona su equivalencia castillana, i qu’atientan cencias comu la medecina, la física, l’informática, la lengüística i otras; assina comu estrumentus tecnológicus, ajetivus pressonalis relativus a oficius deferentis, vozis grecolatinas avezás i prefixus qu’apaicin ena conviersa cutiana delas luengas más palrás.

Palos casus en que no ayi vocabrus propius, s’ofrecin solucionis arreglu alas leis dela prenuncia i la gramática estremeñas n’agarrandu’l palabragi más común del andal espánicu i entrenacional. Valga aquesta carrehilera de resumi p’ampial-si más alantri.

aeriu, -a. aéreo, -a.
El tráfagu aeriu es más intesu de branu.
ágebra. f álgebra.
El nombri del’ágebra rescreci del arabi.
aguáticu, -a. acuático, -a.
Munchus animalis aguáticus alientan por mé las gallas.
algaritmu. m algoritmo [tamién algarimu].
L’algaritmu te recada informacionis pa brindal-ti conteníu.
ali-. pref heli-.
alicóteru. m helicóptero.
L’alicóteru s’aposó arrenti l’acerati.
alipuertu. m helipuerto.
L’alipuertu s’assitia enas alreorás dela cidá.
almósfera. f atmósfera.
L’almósfera es una capa gasosa que cubri la Tierra.
analís. f análisis.
Las analisis de sangri didun un resultau mu cralu.
aparatu. m aparato, dispositivo [tamién paratu].
Esti aparatu es lo últimu del mercau.
apricación. f aplicación.
Ai una apricación que conoci las prantas del monti.
arodenámica. f aerodinámica.
L’arodenámica estuya’l movimientu l’airi i los cuerpus endrentu d’él.
arodenámicu, -a. aerodinámico.
Los cochis d’agora sonin más arodenámicus que los d’antis.
aroliña. f aerolínea.
Angunas aroliñas no dan de comel de baldi p’ahorral costis.
aroplanu. m aeroplano [tamién aropranu i arroplanu].
L’aroplanu s’enventó a primerus del siegru venti.
aroportariu, -a. aeroportuario, -a.
La mayorança aroportaria anunció más passus de segureza.
aropuertu. m aeropuerto.
L’aropuertu melital de Talavera á d’envertil-si nuna estalación cevil.
artícalu. m artículo.
Los artícalus s’anteponin al nombri i concuerdan con él en géneru i númiru.
átamu. m átomo.
L’acuerdu i el nombri l’átamu dimanan dela Grecia antiga.
atómicu, -a. atómico, -a.
El lavoratoriu nuevu cuenta con un microscopiu atómicu.
becicleta. f bicicleta.
De quién es la becicleta essa dela puerta?
beci. f bici.
Se vía pinchau la ruea la beci.
bibloteca. f biblioteca.
Ai añus costruyerun una bibloteca envera la puenti.
biólagu, -a. biólogo, -a.
El hatu de biólagus marinus anda estuyandu’l portamientu los golfinis.
biología. f biología.
La mugel es prehessora de biología ena Nuversidá d’Estremaúra.
boligrafu. m bolígrafo.
Esti boligrafu no pinta.
breva. f clave, quid.
Velaí la breva l’assuntu.
calculal. tr calcular.
Pi cómu quieris que lo calculi tó de cabeça?
calculaora. f calculadora.
Jecha las cuentas cona calculaora, que no atinas una.
cálculu. m cálculo.
Si los cálculus están corretus, la solución es aquessa velaí.
cencia. f ciencia [tamién sencia].
Enque seya aparenti pa munchus mesteris, ala cencia moerna tamién se la cretica.
cenematografía. f cinematografía.
La cenematografía essisti dendi caberus del siegru dezinuevi.
cenematografu. m cinematógrafo.
El cenematografu hue la primel crassi de proyetol qu’essistió.
ceni. m cine.
Amu-nus al ceni, qu’oi echan una nueva.
cercuítu. m circuito.
Los alunus están hiziendu un cercuítu pala crassi de tecnología.
coigu. m código.
El coigu-huenti esti es compricau de leyel.
coltura. f cultura [tamién escoltura].
Arreparamus una renacencia dela coltura estremeña.
competíu, -a. competitivo, -a.
Essi mercau de ca ves es más competíu.
concencial. tr concienciar.
Ai de concencial-si delo emportanti.
concençamientu. m concienciación.
El concençamientu a tentu las luengas amenuías tien pulau enos añus últimus.
çucessu. f éxito.
El desconciertu hue un çucessu.
dau. m dato.
Los daus qu’acebistis no estavan atinaus.
degital. digital.
Cona piçarra degital da unu las espricaeras más lijeru.
dental. dental.
La salú dental no está encruía ena Segureza Social.
déssitu. m éxito.
La breva’l déssitu es la tentigués.
dientista. dentista.
El dientista le pusu una dentaúra pa ella poel moleal.
dron. m dron [pl drón, dronis]
Los inginierus agrónamus vegilan los campus colos drón.
edeficiu. m edificio.
L’edeficiu más largu dela cidá s’enhalla envera’l ríu.
eletrecidá, eletreciá. f electricidad [tamién eletrici(d)á, letrici(d)á i letreci(d)á].
Estremaúra proúzi quatru vezis más eletreciá dela que gasta.
elétricu, -a. eléctrico, -a [tamién létricu, –a i letrinu, –a].
El gastaeru elétricu vai creciendu a añu a añu.
eletro-. pref electro- [tamién letro-].
ennovación. f innovación.
La ennovación tecnológica está muandu la manera de trebajal.
ennoval. intr innovar.
Siguimus ennovandu pa brindal-ti l’atendimientu más aparenti.
enteligencia artificial (EA). f inteligencia artificial (IA) [también intiligencia artificial (IA)].
La EA vai a acarreal una muación económica comparanti ala revolución endrustial.
entremedariu, -a. intermediario, -a.
Los entremedarius se llevan un güen dau delos beneficius.
entrepetación. f interpretación.
La entrepetación d’ayel acibió los torteus de tola sala.
entrepetal. tr interpretar.
L’artista entrepetó un cantal de Pablu Guerreru n’estremeñu.
entrépeti. intérprete.
L’entrépeti trauzía lijeru duranti palrava’l deputau.
entrurbanu, -a. interurbano, -a [también enturbanu, -a].
Es precisu l’amejoramientu’l trasporti entrurbanu.
equación. f ecuación.
Aprovémus el dessami delas equacionis de segundu grau.
espigaera. f desarrollo.
La espigaera endustrial tien espetus positivus i negativus.
espital. m hospital.
Le muarun el nombri al espital Infanta Cristina por mé l’escorrumpiéru la familia.
espitalariu, -a. (relativu al espital) hospitalario, -a.
Sonin mu espitalarius, no tienin ná suyu.
estaística. f estadística.
Las estaísticas din que la huerça d’estremeñus quierin d’aprotegel la muestra luenga.
estalación. f instalación.
Él solu hizu tola estalación elétrica dela casa.
estalal. tr instalar.
No so escapás d’estalal l’apricación nel teléfanu.
estau. m estado.
Los estaus imperialis tienin un duramientu meyu de quinientus cincuenta añus.
estetutu. m instituto [tamién estitutu].
Andava maletu i no púu dil al estetutu.
estoria. f historia.
La estoria del’umanidá anda demás de tracamundeá.
estóricu, -a. histórico, -a.
La saca l’Ortografía hue un hitu estóricu pal’idioma.
estroncal-si. pron diverger.
Los intressis de dámbalas dos compañías espiençarun a estroncal-si por mé delas muacionis del mercau.
estroncau, -á. divergente.
La volución estroncá delas especiis aprepara l’apaición de raças deferentis.
fatol. m factor.
L’ordin delos fatoris no altera’l proútu.
filólagu, -a. filólogo, -a.
El filólagu desprica las deferencias entri las luengas romancis.
filología. f filología.
La filología es la cencia qu’estuya las idiomas.
fración. f fracción.
Tentan de miíl la lijereza la lus en fracionis de segundu.
gen. m gen.
Los genis están compuestus d’aziu desossirribonucleicu.
genética. f genética.
La genética de puebracionis enseña que los estremeñus avemus sangri lionesa i lusitana.
genéticu, -a. genético, -a.
L’analís genética delas huélligas enseñala quién sonin los lairus.
génicu, -a. génico, -a.
La espressión génica es el processu que gasta la célula pa prouzil las moléculas precisas.
hallaúra. f hallazgo.
La prensa anunció la hallaúra de pozus de pretoliu nueus.
ilo-, iló-. pref hidro-, hidró-.
ilógenu. m hidrógeno.
Las moléculas d’augua están compuestas dun átamu d’ossíginu i dos d’ilógenu.
informática. f informática.
Las profissionis tocantis al’informática sonin delas que más salías tienin.
informáticu, -a. informático, -a.
El mi vezinu es informáticu, trebaja dendi casa.
inseñal. tr diseñar.
Los inginierus inseñarun un robón de generación última.
inseñu. m diseño.
L’inseñu dela portá lo hizu un debujanti.
inqüesta. f encuesta [tamién incuesta].
Las inqüestas endican una subía delos partíus dentitarius.
inqüestal. intr encuestar [tamién incuestal].
Vain a incuestal ala puebración pa tenteá’l parecel general a tentu custionis varias.
irución. f erupción.
L’irución del volcán Eyjafjallajökull apreparó’l fechi’l tráfagu aeriu uropeu.
lagaritmu. m logaritmo. [tamién lagarimu].
El lagarimu abrigua los gustus dunu pa brindal puliciá descogía.
letrariu, -a. literario, -a.
El concussu letrariu se celebró ena Casa de Coltura.
letratura. f literatura.
Revendicamus de crial un’assinatura de Luenga i Letratura Estremeña.
matemáticas. f pl matemáticas.
La espigaera tecnológica viera estau impossibli sinas matemáticas alantrás.
matemáticu, -a. matemático, -a.
L’iju del vezinu se hizu matemáticu, trebaja nuna impresa de Silicon Valley.
medecina. f medicina [tamién melecina].
La melecina de patrás tien remedius mu aparentis sin efeutus segundarius.
meicu, -a. médico, -a.
Los güenus meicus tienin umildá i pacencia conos maletus.
meli. f mili.
Angunus paísis uropeus quierin golvel a ponel la meli pa reforçal la defensa dellus.
melicia. f milicia.
Nel siegru XIX avía una melicia cantonal estremeña.
melital. militar.
L’estrenu delos melitatis encrúi’l gastu d’armas de hueu.
moelu. m modelo.
Los primerus moelus de tassis volaoris ya corrin los cielus de China.
negacioneru, -a. negacionista.
Le izin negacioneru porque no se crei el parti.
negacioneu. m negacionismo.
negaeru. m negacionismo.
negaol, -ora. negacionista.
negéticu, -a. energético, -a.
negía. f energía [también nigía].
Estamus intressaus ena vestigación de huentis de negía nueas.
negociu. m negocio.
Los negocius en liña ya sonin una parti emportanti dela conomía los paísis uropeus.
nuclial. nuclear.
Los refugus nucliaris án de guardal-si en vaziis desapartaus delas puebracionis.
nucliu. m núcleo.
El nucliu celulal retién l’información genética dun organismu.
númiru. m número [tamién númberu].
Tengu yo la ves, peru no sal el mi númiru.
ordenaol. m ordenador.
ossíginu. m oxígeno.
pedióricu. m periódico [tamién pidióricu i pirióricu].
pediorista. periodista [tamién pidiorista i piriorista].
pograma. m programa.
pogramación. f programación.
pogramal. tr programar.
pogressu. m progreso.
políganu. m polígono.
prehessión. f profesión [tamién profissión].
prehessional. profesional [tamién profissional].
prehessol, -ora. profesor [tamién professol].
processu. m proceso [tamién prosseçu].
produzil. tr producir [tamién prouzil].
púbricu, -a. público [tamién públicu, –a].
quasa. m cuásar [pl quasas, quásaris].
quilu. m kilo.
quilogramu. m kilogramo.
quilometru. m kilómetro.
ración. f reacción [tamién riación].
racional. intr reaccionar [tamién riacional].
ratol. m reactor [tamién riatol].
redi social. f red social.
relativu, -a. relativo.
relós. m reloj [pl relozis].
robón. m robot.
robótica. f robótica.
robóticu, -a. robótico, -a.
semáfaru. m semáforo [tamién semófaru].
Los semáfarus s’apagarun cona caía dela lus.
sestema. m/f sistema.
La sestema social dela Edá Meya era mu otra.
setol. m sector.
Angunus setoris del’Ilesia andan retusus conas ennovacionis de jeitu pogressista.
siqüencia. f secuencia [tamién sicuencia].
La siqüencia numérica está correta.
siqüencial. tr secuenciar [tamién sicuencial].
P’amejoral esta lenguagi de pogramación, es precisu de muá’l recau siqüencial d’angunus parametrus.
siqüençación. f secuenciación [tamién sicuençación].
La siqüençación genética d’animalis paliolíticus premiti la ressureción d’especiis destinguías.
teléfanu. m teléfono.
Me s’á changau’l teléfanu, no so escapás prendé-lu.
telefonía. f telefonía.
Las impresas de telefonía acrecierun los sus beneficius el trimesti passau.
telefónicu, -a. telefónico, -a.
Andan a hazel obras ena redi telefónica dela cidá.
teli. f tele.
Dexa-ti de tanta teli que te vas a queal bobu.
telivisión. f televisión.
La telivisión púbrica se financia conos albitrius de tous.
tiraeru. m tendencia.
Los tiraerus entrenacionalis apreparan muacionis delos costumbris.
tráfagu. m tráfico.
Ai un control de tráfagu ena reonda.
udífanu. m audífono.
Poni-li los udífanus al agüelu, que si no no oyi.
urbanu, -a. urbano, -a.
La coltura urbana es más huerti enas epocas imperialis.
utomáticu, -a. automático, -a.
Esti cochi no tien embragui, es utomáticu.
vertual. virtual.
La desotra revolución tecnológica poía sel l’esparramaeru la ralidá vertual.