El cantón estremeñu

A caberus del siegru XIX, l’estremeñeríu social tuvu más predicación i hue más ambiciosu que no uguañu. Essistió n’aquellus entoncis una corrienti federal que revendicava la pula d’Estremaúra en tolos espeutus, representá nel pedióricu repubricanu dela epoca conocíu comu El cantón estremeño.

Es en omenagi a esta antiga pubricación que renombramus el muestru proyeutu, en ampriandu-lu pa hazé-lu más compretu i allegal ansí a un púbricu qu’alampa ya por conteníus ena su luenga i por una liña editorial estritamenti estremeñera que no s’atopa ena prensa regional. El tiempu d’apregonal que l’estremeñu i qu’Estremaúra essistin ya passó, es ora de dal un otru passu i aportal pala coltura estremeña golvel al espaciu púbricu i la vida cutiana.

El Cantón estremeñu (re)naci pa envertil-si nun referenti ena redi del mundu castúu:

  • Semus la única web que gasta l’estremeñu de primera luenga i una delas más acorrías entri las páginas de conteníu coltural, con milis de vesitantis tolos mesis. D’aquí palantri, sin desmiral la custión dela idioma, dimus a atendel tamién los acontecimientus estóricus dela muestra tierra i los assuntus socialis que mos acupan más.

  • Te cuentamus lo que naidi te izi a tentu del muestru passau i la muestra ralidá d’uguañu, ponemus Estremaúra nel mapa i no mos descallamus.

  • Quieris espubrical n’estremeñu i no sabis óndi? Tienis testus o vidius de temática estremeña i quieris difundí-lus? Manda-mus los tus endirgus i los sacamus, enseña el tu trebaju!

  • No sabis estremeñu o sabis peru quieris aperfecioná-lu? Pola ves primera, vas a poel cuental con crassis d’estremeñu particularis o en grupus chicus por mé de vidiu-conferencia. Tamién brindaremus traducionis de letrerus, cartas, envitacionis o lo que te presti más.

Aína tendrás más novedais… ajunta-ti al arrebullieru! 😉

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Google photo

Estás comentando usando tu cuenta de Google. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s